అచ్చం శ్రీలంకలాగే భారత్‌ పరిస్థితి

 రెండు దేశాలను పోలుస్తూ గ్రాఫ్‌లు పంచుకున్న రాహుల్‌

దిల్లీ: తీవ్ర ఆర్థిక సంక్షోభంతో విలవిల్లాడుతున్న శ్రీలంకకు ఏమాత్రం తీసిపోని రీతిలో భారత్‌లో దుర్భర పరిస్థితులు ఉన్నాయని కాంగ్రెస్‌ అగ్రనేత రాహుల్‌ గాంధీ పేర్కొన్నారు. నిరుద్యోగం, పెట్రోలు ధరలు, మత హింస లాంటి విషయాల్లో రెండు దేశాల మధ్య సారూప్యత కనిపిస్తోందన్నారు. ఈ మేరకు రెండు దేశాల పరిస్థితులను పోలుస్తూ ట్విటర్‌లో గ్రాఫ్‌లు పంచుకున్నారు. వాటి ప్రకారం భారత్‌, శ్రీలంకల్లో 2017 తర్వాత నిరుద్యోగిత రేటు క్రమంగా పెరుగుతూ 2020లో శిఖరస్థాయికి చేరింది. ఆ తర్వాతి ఏడాది కాస్త తగ్గింది. అలాగే పెట్రోలు ధరలు 2017 నుంచి అంతకంతకు పెరుగుతూ 2021కల్లా అత్యధికస్థాయికి చేరాయి. మతహింస కూడా రెండు దేశాల్లో 2020-21లో అనూహ్యంగా పెరిగింది.