రైతాంగం గాలికి.. విమానాల్లో సీఎం: తెదేపా

ఈనాడు, హైదరాబాద్‌: ధాన్యం అమ్మలేక అనేక కష్టాల్లో ఉన్న రాష్ట్ర రైతాంగాన్ని ఆదుకోవాలనే బాధ్యతను గాలికొదిలేసి దేశమంతా గాలి మోటార్లో(విమానంలో) సీఎం కేసీఆర్‌ తిరుగుతున్నారని తెలుగుదేశం రాష్ట్ర ప్రధాన కార్యదర్శి జక్కలి ఐలయ్య యాదవ్‌ ఆరోపించారు. ప్రభుత్వ అసమర్థ నిర్ణయాల వల్ల రాష్ట్రంలో గత 8 సంవత్సరాల కాలంలో సుమారు 8 వేల మంది రైతులు ఆత్మహత్య చేసుకుంటే ఏ మేరకు ఆర్థిక సాయం ఇచ్చారని ప్రశ్నించారు. ఇక్కడ రైతులకు సాయం చేయలేని ముఖ్యమంత్రి పొరుగు రాష్ట్రంలోని రైతాంగాన్ని ఆదుకుంటామని బయలుదేరడం హాస్యాస్పదంగా ఉందన్నారు.