కొత్త ఎమ్మెల్సీలకు సీఎం అభినందనలు

ఈనాడు, హైదరాబాద్‌: శాసనసభ్యుల, స్థానిక సంస్థల కోటాలో కొత్తగా ఎన్నికైన ఎమ్మెల్సీలను ముఖ్యమంత్రి కేసీఆర్‌ అభినందించారు. కడియం శ్రీహరి, పట్నం మహేందర్‌రెడ్డి, శంభీపూర్‌ రాజు, కసిరెడ్డి నారాయణరెడ్డి, కూచుకుళ్ల దామోదర్‌రెడ్డి, వెంకట్రామరెడ్డిలు ఆదివారం ప్రగతిభవన్‌లో సీఎంతో భేేటీ అయ్యారు. వారిని కేసీఆర్‌ సత్కరించి శుభాకాంక్షలు తెలిపారు. రంగారెడ్డి, మహబూబ్‌నగర్‌, వరంగల్‌, నిజామాబాద్‌లలో అభ్యర్థులు ఏకగ్రీవంగా గెలవడంపై సీఎం సంతోషం వ్యక్తంచేశారు. మిగిలిన జిల్లాల నేతలు ఆదర్శంగా తీసుకొని ఎమ్మెల్సీ స్థానాలన్నింటినీ గెలిపించాలన్నారు.