Published : 04/12/2021 05:24 IST

మహిళల భద్రతకు పటిష్ఠ చర్యలు

‘అభయ్‌కోట్‌’ ఆవిష్కరణలో ఎమ్మెల్సీ కవిత

ఈనాడు, హైదరాబాద్‌: తెలంగాణలో మహిళల భద్రత సీఎం కేసీఆర్‌ ప్రధాన ఎజెండా అని, దీని కోసం రాష్ట్ర ప్రభుత్వం పటిష్ఠచర్యలు తీసుకుంటోందని తెరాస ఎమ్మెల్సీ కల్వకుంట్ల కవిత తెలిపారు. మహిళల రక్షణ కోసం రాష్ట్రవ్యాప్తంగా షీ టీంల ఏర్పాటుతో పాటు అఘాయిత్యాలకు పాల్పడే దుర్మార్గులపై సర్కారు ఉక్కుపాదం మోపుతోందన్నారు. హైదరాబాద్‌కు చెందిన దినేష్‌, శశాంక్‌రెడ్డి, దినేష్‌రెడ్డి దివ్యాంగ మహిళల రక్షణ కోసం రూపొందించిన ‘అభయ కోట్‌’ అనే ప్రత్యేక భద్రత జాకెట్‌ను శుక్రవారం కవిత హైదరాబాద్‌లోని తమ నివాసంలో ఆవిష్కరించారు. ఈ కోట్‌ వినికిడి, మాట్లాడడంలో సమస్యలున్న మహిళల ఆత్మరక్షణకు, ఇతరులను అప్రమత్తం చేయడానికి ఎంతగానో ఉపయోగపడుతుందన్నారు. ఆపద సమయాల్లో మహిళలు ఈ జాకెట్‌కు ఉండే ప్యానిక్‌ బటన్‌ నొక్కితే వెంటనే సైరన్‌ మోగుతుంది. ఎలక్టిక్ర్‌ షాక్‌ కూడా వస్తుంది. కుటుంబ సభ్యులకు, సమీపంలోని పోలీస్‌ స్టేషన్‌కు లొకేషన్‌ మెసేజ్‌ వెళ్లేందుకూ ఇందులో ప్రత్యేక జీపీఎస్‌ వ్యవస్థను ఏర్పాటు చేశామని అభయకోట్‌ రూపకర్తలు తెలిపారు. వారిని కవిత అభినందించారు.

Read latest State News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని