TS News: కిమ్స్‌లో ‘బ్రీతింగ్‌ లంగ్‌’ మార్పిడి శస్త్రచికిత్స

దేశంలో తొలిసారి అన్న వైద్యులు

శస్త్రచికిత్స చేస్తున్న డాక్టర్లు

బన్సీలాల్‌పేట్‌, న్యూస్‌టుడే: దేశంలోనే తొలిసారిగా బ్రీతింగ్‌ లంగ్‌ మార్పిడి శస్త్రచికిత్సను విజయవంతంగా పూర్తి చేసినట్లు సికింద్రాబాద్‌లోని కిమ్స్‌ ఆసుపత్రి వైద్యులు తెలిపారు. హార్ట్‌, లంగ్‌ యంత్రాన్ని వినియోగించకుండా ఓ ఊపిరితిత్తితో సమన్వయం చేసుకుంటూ మరో ఊపిరితిత్తి పనిచేస్తుండగానే మార్చడం ఈ శస్త్రచికిత్స ప్రత్యేకతని.. విదేశాల్లో మాత్రమే అందుబాటులో ఉన్న ఈ విధానాన్ని తొలిసారి ఇక్కడ చేపట్టి విజయవంత చేసినట్లు ఆసుపత్రి ఊపిరితిత్తుల మార్పిడి విభాగం డైరెక్టర్‌ డాక్టర్‌ సందీప్‌ ఆదివారమిక్కడ వెల్లడించారు. ఈ ఏడాది ఆగస్టులో ఊపిరితిత్తుల సమస్యతో ఆసుపత్రిలో చేరిన ఓ మధ్య వయస్కుడికి మార్పిడి ఆపరేషన్‌ చేసేందుకు వీలుగా ఈ పద్ధతిని ఎంచుకున్నామని తెలిపారు.