TS News: ‘పది’ పరీక్షల ఫీజు తేదీలు ఖరారు..మే నెలాఖరులో పరీక్షలు!

ఈనాడు, హైదరాబాద్‌: పదో తరగతి వార్షిక పరీక్షలకు హాజరయ్యేందుకు ఫీజులు చెల్లించే తేదీలను ప్రభుత్వం పరీక్షల విభాగం ఖరారు చేసింది. పరీక్ష ఫీజు రూ.125గా నిర్ణయించింది. ఈ నెల 29వ తేదీ వరకు ఆలస్య రుసుం లేకుండా చెల్లించవచ్చు. రూ.50 ఆలస్య రుసుంతో ఫిబ్రవరి 10, రూ.200 అదనంతో ఫిబ్రవరి 21, రూ.500 అదనంతో మార్చి 3వ తేదీ వరకు ఆయా పాఠశాలల ప్రధానోపాధ్యాయులకు చెల్లించవచ్చని ప్రభుత్వ పరీక్షల విభాగం సంచాలకుడు సత్యనారాయణరెడ్డి ఆదేశాలు జారీ చేశారు. ఇంటర్‌ పరీక్షలు పూర్తయిన తర్వాత పదో తరగతి పరీక్షలు నిర్వహించే అవకాశాలున్నాయి. ఆ ప్రకారం మే 20వ తేదీ తర్వాత మొదలవుతాయి.