తిరుపతిలో దిగకుండా వెనక్కి వచ్చిన స్పైస్‌ జెట్‌

శంషాబాద్‌, న్యూస్‌టుడే: ప్రతికూల వాతావరణం కారణంగా ఓ విమానం మూడు గంటల తర్వాత శంషాబాద్‌ అంతర్జాతీయ విమానాశ్రయానికి వెనక్కు తిరిగి వచ్చింది. విమానాశ్రయం అధికారులు తెలిపిన  వివరాల ప్రకారం.. స్పైస్‌జెట్‌ ఎయిర్‌లైన్స్‌ ఎస్‌జీ-1075 విమానం ప్రయాణికులతో శుక్రవారం ఉదయం 6.30 గంటలకు తిరుపతికి బయలుదేరింది. అక్కడ దట్టమైన పొగ మంచు అలముకోవడంతో స్థానిక ఏటీసీ అధికారులు విమానం దిగడానికి అనుమతి ఇవ్వలేదు. దీంతో ఉదయం 9.30 గంటలకు తిరిగి శంషాబాద్‌కు వచ్చింది. పొగమంచు తగ్గినట్లు తిరుపతి ఏటీసీ నుంచి సమాచారం అందగానే 45 నిమిషాల తర్వాత అంటే 10.15 గంటలకు ఆ విమానం తిరిగి వెళ్లింది.