ఈ నెల 24 వరకు 55 ప్యాసింజరు రైళ్ల రద్దు

దక్షిణ మధ్య రైల్వే నిర్ణయం

ఈనాడు, హైదరాబాద్‌: కరోనా ఉద్ధృతి నేపథ్యంలో దక్షిణ మధ్య రైల్వే 55 ప్యాసింజర్‌ రైళ్లు రద్దు చేసింది. ఈ నెల 24 వరకు ఈ బండ్లు అందుబాటులో ఉండవని వెల్లడించింది. ఈ మేరకు సంస్థ సీపీఆర్‌వో సీహెచ్‌ రాకేష్‌ ఒక ప్రకటన విడుదల చేశారు.

పుష్‌ పుల్‌ రైలు రద్దుతో ప్రయాణికుల అవస్థలు

కాజీపేట, న్యూస్‌టుడే: కాజీపేట-సికిందరాబాద్‌ మధ్య 07757, 07758 నంబర్లతో నడిచే పుష్‌పుల్‌ రైలును శుక్రవారం నుంచి ఈ నెల 24 వరకు తాత్కాలికంగా రద్దు చేస్తున్నట్లు రైల్వే అధికారులు గురువారం రాత్రి ప్రకటించారు. దీంతో శుక్రవారం ఉదయం సికిందరాబాద్‌కు వెళ్లే ప్రయాణికులకు ఈ సమాచారం తెలియక ఇబ్బందులు పడ్డారు. ఉదయం కాజీపేట స్టేషన్‌కు వచ్చిన ప్రయాణికులకు సమాచార కేంద్రం వద్ద రద్దు బోర్డు కనిపించడంతో ఆందోళన చెందారు. ఇతర ఎక్స్‌ప్రెస్‌ రైళ్లలో ఎక్కువ రుసుములు చెల్లించి వెళ్లారు.