తెలంగాణ శిలలు.. హస్తినలో ఘన స్మారకాలు!

ఖమ్మం జిల్లాకు చెందిన నల్లటి గ్రానైట్‌ శిలలు దేశ రాజధానిలో ఘన చరిత్రకు ఆనవాళ్లుగా రూపుదిద్దుకుంటున్నాయి. ఇండియా గేట్‌ వద్ద ఆగస్టు 15న ఆవిష్కరించబోయే ‘నేతాజీ’ సుభాష్‌చంద్ర బోస్‌ విగ్రహాన్ని తెలంగాణకు చెందిన బ్లాక్‌ గ్రానైట్‌తో చెక్కబోతున్న విషయం తెలిసిందే. దిల్లీలో 31 అడుగుల ఎత్తు, 10 అడుగుల వెడల్పుతో నిర్మించిన పోలీసుల అమరవీరుల స్తూపాన్నీ ఖమ్మం జిల్లా నుంచి తెప్పించిన 270 టన్నుల రాయి ద్వారానే మలిచారు.  జాతీయ పోలీసు మ్యూజియంలో దీన్ని ప్రదర్శనకు ఉంచారు. వాజ్‌పేయీ సమాధిని ఖమ్మం నుంచి తరలించిన ఏకశిల గ్రానైట్‌తోనే నిర్మించారు.

- ఈనాడు, దిల్లీ