చిన్న విమానాల ప్రణాళికైనా ఇవ్వండి

ప్రాంతీయ విమానాశ్రయాలపై ఏఏఐకి రాష్ట్ర ప్రభుత్వం లేఖ

ఈనాడు, హైదరాబాద్‌: ప్రాంతీయ విమానాశ్రయాల ప్రణాళికలను త్వరగా ఇవ్వాలని రాష్ట్ర ప్రభుత్వం ఎయిర్‌పోర్ట్‌ ఆథారిటీ ఆఫ్‌ ఇండియాకు(ఏఏఐకి)  లేఖ రాసింది. ఇప్పటికే పలు దఫాలు లేఖ రాసినట్లు ఆ లేఖలో పేర్కొంది. ఏటీఆర్‌ విమానాలు కాకపోయినా చిన్నవి నడిపేందుకు వీలుగా నివేదికలు ఇవ్వాలని కోరింది. రాష్ట్రంలోని ఆరు చోట్ల ప్రాంతీయ విమానాశ్రయాలను నిర్మించాలని రాష్ట్ర ప్రభుత్వం నిర్ణయించింది. ఆదిలాబాద్‌, పెద్దపల్లి, నిజామాబాద్‌, వరంగల్‌, మహబూబ్‌నగర్‌, కొత్తగూడెం-భద్రాచలంలలో  తలపెట్టింది. అధ్యయన బాధ్యతలు ఏఏఐకి అప్పగించింది. 2019లో క్షేత్రస్థాయిలో ఏఏఐ అధికారుల బృందం పరిశీలించి ఆరు ప్రాంతాల్లో నిర్మాణానికి సూత్రప్రాయ ఆమోదం తెలిసింది. ఏటీఆర్‌-72, క్యూ-400 తరహా విమానాలను నడపవచ్చు అని రాష్ట్ర ప్రభుత్వానికి గత ఏడాదిలో ఇచ్చిన ప్రాథమిక నివేదికలో స్పష్టం చేసింది. ఆ తర్వాత ముందడుగు పడలేదు. తొలిదశలో కనీసం 20 సీట్ల చిన్న విమానాల రాకపోకలకు వీలుగా నివేదిక సిద్ధం చేయాలని ఏఏఐ ఛైర్మన్‌కు రాష్ట్ర ప్రభుత్వ సలహాదారు రాజీవ్‌శర్మ లేఖ రాశారు. ‘