పుడమి రంగులో పురుగు!

వీపుపై కళ్లు, నోరు, ముక్కును పోలిన నల్లటి మచ్చలు.. వింతగొలిపేలా నేలలో కలిసిపోయే వర్ణంలో కనిపిస్తున్న ఈ కీటకాన్ని చూశారా.. ఇది వరంగల్‌ జిల్లా గీసుకొండ మండలం ఎలుకుర్తి హవేలీలో శుక్రవారం స్థానికులను ఆకర్షించింది. ఎక్కడ నుంచో ఎగురుకుంటూ వచ్చిందని, 2 సెం.మీ. పొడవు ఉందని వారు ‘న్యూస్‌టుడే’కు వివరించారు. దీన్ని వైట్‌షీల్డ్‌ బగ్‌ అంటారని.. టేకు, మునగ చెట్లపై అరుదుగా కనిపిస్తుందని వరంగల్‌లోని వ్యవసాయ పరిశోధన స్థానం శాస్త్రవేత్త కిషోర్‌ తెలిపారు.

- న్యూస్‌టుడే, గీసుకొండ