NTR Trust: మార్చి 20న ఎన్టీఆర్‌ ట్రస్ట్‌ ప్రతిభాపరీక్ష

ఈనాడు, హైదరాబాద్‌: ప్రతిభావంతులైన ఇంటర్మీడియెట్‌ విద్యార్థినులకు స్కాలర్‌షిప్‌లు ఇచ్చేందుకు మార్చి 20న పరీక్ష నిర్వహించనున్నట్లు ఎన్టీఆర్‌ ట్రస్ట్‌ మేనేజింగ్‌ ట్రస్టీ నారా భువనేశ్వరి బుధవారం ఒక ప్రకటనలో తెలిపారు. ప్రతిభ చూపిన 25 మంది బాలికలకు కలిపి రూ.34 లక్షల వరకూ స్కాలర్‌షిప్‌లు ఇస్తామన్నారు. మొదటి 10 ర్యాంకులు సాధించిన బాలికలకు నెలకు రూ.5 వేల చొప్పున, 11 నుంచి 25వ ర్యాంకు పొందిన వారికి నెలకు రూ.3 వేల చొప్పున ఎన్టీఆర్‌ బాలికల డిగ్రీ కళాశాలలో చదివినంత కాలం అందిస్తామని వివరించారు. విద్యార్థినులు ఈ నెల 17 నుంచి మార్చి 15 వరకు ఎన్టీఆర్‌ మెమోరియల్‌ ట్రస్ట్‌ వెబ్‌సైట్‌లో పేర్లు నమోదు చేసుకోవాలన్నారు.