Updated : 23 Feb 2022 06:57 IST

Telangana News: ఖాతాలోకి రూ.రెండు కోట్లు.. తిరిగిచ్చేసిన వైరా వాసి

వైరా, న్యూస్‌టుడే: రూ.లక్ష కాదు.. రెండు లక్షలు కాదు.. ఏకంగా ఓ వ్యక్తి ఖాతాలో రూ.2 కోట్లు జమయ్యాయి. తొలుత ఆశ్చర్యానికి గురైన ఆయన తేరుకుని వివరాలు ఆరా తీసి ఆ సొమ్మును బదిలీ చేశారు. ఖమ్మం జిల్లా వైరా మండలం సిరిపురం గ్రామానికి చెందిన గంధం వెంకటేశ్వర్లు వ్యాపారి. వైరాలోని తహసీల్దార్‌ కార్యాలయం ఎదురుగా  భవన సముదాయం ఉంది. హైదరాబాద్‌ ఉప్పల్‌కు చెందిన ఓ సంస్థ వారు అందులో బ్రాంచి ఏర్పాటు చేశారు. యజమాని వెంకటేశ్వర్లు ఖాతాలో నెలనెలా అద్దెను జమ చేస్తుంటారు. ఈ నెల 19న ఆయన ఖాతాలో ఆ సంస్థ నుంచి రూ.2 కోట్ల నగదు జమైందంటూ ఎస్‌ఎంఎస్‌ వచ్చింది. బ్యాంకులో ఆరా తీయగా అధికారులు నిజమేనని ధ్రువీకరించారు. వెంటనే సమాచారం ఇవ్వగా.. క్లర్కు పొరపాటుగా వేరొకరికి పంపాల్సిన మొత్తాన్ని వెంకటేశ్వర్లు ఖాతాకు జమ చేసినట్టు ఆ సంస్థ గుర్తించింది. మంగళవారం ఆయన ఆ మొత్తాన్ని ఆ సంస్థ ఖాతాకు మళ్లించారు.

Read latest State News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని