Telangana News: 24 నుంచి బడికెళ్లేది ఒక ఉపాధ్యాయుడే

పది విద్యార్థుల సన్నద్ధతకు ఆదేశాలు

ఈనాడు, హైదరాబాద్‌: రాష్ట్రవ్యాప్తంగా ఈనెల 24 నుంచి పాఠశాలలకు వేసవి సెలవులు ఉన్నా పదో తరగతి విద్యార్థుల పరీక్షల దృష్ట్యా ప్రభుత్వ పాఠశాలల్లో ఒక ఉపాధ్యాయుడు విధులకు హాజరుకావాలని పాఠశాల విద్యాశాఖ సంచాలకురాలు శ్రీదేవసేన బుధవారం ఆదేశాలు జారీచేశారు. పంచాయతీరాజ్‌, ప్రభుత్వ, మోడల్‌ పాఠశాలలు, కేజీబీవీలు, గురుకులాలు(టీఆర్‌ఈఐఎస్‌), ఎయిడెడ్‌ పాఠశాలలకు ఇది వర్తిస్తుంది. పదో తరగతిలో ఒక సెక్షన్‌కు ఒక ఉపాధ్యాయుడు హాజరుకావాలని ఆదేశాల్లో పేర్కొన్నారు. అంటే రెండు సెక్షన్లుంటే ఇద్దరు వెళ్లాల్సి ఉంటుంది. ఉదాహరణకు ఒక పాఠశాలలో తెలుగు, ఆంగ్ల మాధ్యమం సెక్షన్లుంటే ఇద్దరు పాఠశాలలకు హాజరుకావాలి.