TS news: నేడు రిజిస్ట్రేషన్లు లేవు

తిరిగి సోమవారం సేవలు ప్రారంభం

ఈనాడు, హైదరాబాద్‌: తెలంగాణలోని సబ్‌ రిజిస్ట్రార్‌ కార్యాలయాల్లో శుక్రవారం రిజిస్ట్రేషన్లు జరగవు. రాష్ట్ర డేటా సెంటర్‌లో ఐటీ శాఖ కొత్త యూపీఎస్‌లను ఏర్పాటు చేస్తుండటంతో స్టాంపులు, రిజిస్ట్రేషన్‌ శాఖ రిజిస్ట్రేషన్లకు ప్రాతిపదికగా ఉన్న కార్డ్‌ విధానం, రిజిస్ట్రేషన్‌ శాఖ వెబ్‌సైట్‌ సేవలు గురువారం రాత్రి 7 గంటలకే నిలిచిపోయాయి. శుక్రవారం రోజంతా రాష్ట్రంలోని సబ్‌ రిజిస్ట్రార్‌ కార్యాలయాల్లో రిజిస్ట్రేషన్లు సహా ఇతర సేవలు అందుబాటులో ఉండవు. రెండో శనివారం, ఆదివారం వరుసగా రెండు రోజులు సెలవులు కావడంతో తిరిగి సోమవారం రిజిస్ట్రేషన్లు ప్రారంభం కానున్నాయి.