South Central Railway: పలు రైళ్లు రద్దు.. కొన్ని దారి మళ్లింపు

ఈనాడు, హైదరాబాద్‌: కాజీపేట-కొండపల్లి సెక్షన్ల మధ్య జరుగుతున్న అభివృద్ధి పనుల కారణంగా పలు రైలు సర్వీసులకు అంతరాయం కలుగుతోందని దక్షిణమధ్య రైల్వే సోమవారం ఓ ప్రకటనలో తెలిపింది. ‘గుంటూరు-సికింద్రాబాద్‌ (02705), సికింద్రాబాద్‌-గుంటూరు(02706) రైళ్లు సెప్టెంబరు 9న, డోర్నకల్‌-విజయవాడ(07755), విజయవాడ-డోర్నకల్‌ (07756) రైళ్లు సెప్టెంబరు 2, 3, తేదీల్లో రద్దయ్యాయి. ఆదిలాబాద్‌-తిరుపతి (07406) రైలును 4వ తేదీన ముద్కేడ్‌, నిజామాబాద్‌, సికింద్రాబాద్‌, పగిడిపల్లి, గుంటూరు తెనాలి మీదుగా దారి మళ్లించాం’ అని వెల్లడించింది.