CM KCR: ముందస్తుకు వెళ్లంగాక వెళ్లం
‘ఆరునూరైనా రాష్ట్రంలో ముందస్తు ఎన్నికలకు వెళ్లే ప్రసక్తే లేదు. ప్రభుత్వం పూర్తికాలం కొనసాగుతుంది’ అని ముఖ్యమంత్రి కేసీఆర్ స్పష్టం చేశారు. వచ్చే ఎన్నికల్లో 95 నుంచి 105 శాసనసభ స్థానాలు గెలుస్తాం. మూడు సంస్థలు 30 స్థానాల్లో సర్వే
ప్రశాంత్ కిశోర్ నాకు స్నేహితుడు
ఓట్ల కోసమే ‘కశ్మీర్ ఫైల్స్’
ఈడీ దాడులకు భయపడేది లేదు
సీఎం కేసీఆర్ వెల్లడి
ఈనాడు, హైదరాబాద్: ‘ఆరునూరైనా రాష్ట్రంలో ముందస్తు ఎన్నికలకు వెళ్లే ప్రసక్తే లేదు. ప్రభుత్వం పూర్తికాలం కొనసాగుతుంది’ అని ముఖ్యమంత్రి కేసీఆర్ స్పష్టం చేశారు. వచ్చే ఎన్నికల్లో 95 నుంచి 105 శాసనసభ స్థానాలు గెలుస్తాం. మూడు సంస్థలు 30 స్థానాల్లో సర్వే చేసి నివేదిక ఇచ్చాయి. 30 స్థానాలకు గాను 29 స్థానాల్లో తెరాస గెలుస్తుందని ఆ నివేదిక వెల్లడించింది. 0.3 శాతం తేడాతో ఒక స్థానం కోల్పోతున్నట్లు తేలింది. అంటే 119 స్థానాలకు గాను 4 స్థానాలే కోల్పోతామని తెలుస్తోంది. తొలిసారి 63 సీట్లు, రెండోసారి 88 సీట్లు, ఈసారి కచ్చితంగా 95-105 సీట్ల మధ్య గెలుస్తాం. అన్ని నియోజకవర్గాల్లో ఎన్నికల పరిస్థితిపై మరో 25 రోజుల్లో నివేదిక బహిర్గతం చేస్తాం. బజార్లో అరిచే వ్యక్తుల గురించి మాట్లాడను.
డబ్బుల కోసం పీకే పనిచేయరు
రాజకీయ వ్యూహకర్త ప్రశాంత్ కిశోర్ మాతో కలిసి పని చేస్తున్నారు.. అది రహస్యం కాదు. ఎనిమిదేళ్లుగా ఆయన నాకు మంచి స్నేహితుడు. ఎప్పుడూ డబ్బులు తీసుకుని పనులు చేయరు. దేశం పట్ల ఆయనకున్న నిబద్ధత నాకు తెలుసు. పార్టీల అవసరాల మేరకు 12 రాష్ట్రాల్లో పనిచేశారు. భాజపాతో కూడా కొంతకాలం ఉన్నారు. దేశ రాజకీయాలపై ఆయనకు మంచి అవగాహన ఉంది. జాతీయ రాజకీయాలు ప్రభావితం చేయడానికి నిర్ణయం తీసుకున్నందున నా ఆహ్వానం మేరకు వచ్చి పనిచేస్తున్నారు. దేశం, తెలంగాణలో రాజకీయ పరిస్థితులపై ఆయన సర్వే చేస్తున్నారు.
మరో 10,000 ఉపాధ్యాయ పోస్టులు..
కచ్చితంగా 80 వేల ఉద్యోగాలు భర్తీ చేస్తాం. ఏటా ఉద్యోగ క్యాలెండర్ విడుదల చేస్తాం. హేతుబద్ధీకరణ పేరిట పాఠశాలలు మూసేస్తారని అపోహలు సృష్టిస్తున్నారు. అదంతా తప్పు. ఆంగ్ల మాధ్యమం నేపథ్యంలో ప్రతి పాఠశాలలో ఆంగ్లం సహా అన్ని సబ్జెక్టులకు. ఉపాధ్యాయులుండాలి. మరో 10 వేల ఉపాధ్యాయుల పోస్టులు ఇచ్చి, నియామకాలు చేపడతాం. ఇవికాక తొమ్మిదో, పదో షెడ్యూల్డు సంస్థలలోనూ మరో 5,000 నుంచి 10,000 ఉద్యోగాలు వస్తాయి.
భాజపా లబ్ధి కోసమే ఫైల్స్
భాజపా ‘కశ్మీర్ ఫైల్స్’తో లబ్ధి పొందేందుకు ప్రయత్నిస్తోంది. సమాజానికి చేటుచేసే ఇలాంటి సినిమాలను ఆహ్వానించకూడదు. దేశంలో.. నీటిపారుదల, ఆర్థిక, పారిశ్రామికీకరణ పురోభివృద్ధి మీద సినిమాలు రావాలి కానీ ఈ కశ్మీర్ ఫైల్స్ ఏంటో.. దిక్కుమాలిన వ్యవహారం. తెలంగాణ ఉద్యమంలో సకల జనుల సమ్మె అన్నాం కానీ.. హిందూ, ముస్లిం, క్రిస్టియన్, సిక్కుల సమ్మె అనలేదు. భాజపా పాలిత రాష్ట్రాల్లో ప్రభుత్వ ఉద్యోగులకు సెలవులిచ్చి మరీ కశ్మీర్ ఫైల్స్ చూడమంటున్నారు. విద్వేష, విభజన రాజకీయాలతో జరిగే పరిణామాలకు ఎవరు బాధ్యత వహిస్తారు? కేంద్రానికి చిత్తశుద్ధి ఉంటే దిల్లీలోని కశ్మీరీ పండిట్లకు న్యాయం చేయాలి. తెలంగాణలోని బోధన్లో శివాజీ విగ్రహం పేరిట భాజపా రాజకీయం చేస్తోంది.
భయపడితే ఉద్యమం చేయగలమా!
ఈడీ, ఐటీ పన్ను దాడులు చేస్తారని యూట్యూబ్లో ప్రచారం చేస్తున్నారు. ఈడీ కాకపోతే బోడీ దాడులు చేయమను. కేసీఆర్ ఈ బ్లాక్ మెయిల్ రాజకీయాలకు భయపడతాడా? ఇలా భయపడితే 15 ఏండ్లు తెలంగాణ ఉద్యమం చేద్దుమా? భయంకరంగా కుంభకోణాలు చేసేవాళ్లకు భయం ఉంటుంది. ఈ పిట్ట బెదిరింపులు నా వద్ద పనిచేయవు.
చినజీయర్తో విభేదాల్లేవు
చినజీయర్స్వామితో నాకు ఎలాంటి విభేదాలు లేవు. దూరం పెరిగిందని ఎవరన్నారు? ఇలాంటి అపోహలు సృష్టించేందుకు ప్రయత్నించవద్దు’’ అని కేసీఆర్ అన్నారు.
జాతీయ రాజకీయాల్లో శూన్యత..
కేసీఆర్ అవసరం ఎక్కడుంటే అక్కడికి వెళ్లి పనిచేస్తాను. ప్రస్తుతం జాతీయ రాజకీయాల్లో చాలా శూన్యత ఉంది. దేశంలో కొత్త జాతీయ పార్టీ వచ్చే అవకాశం ఉంది. భాజపా నాయకులు బుల్డోజర్లు తెస్తున్నామంటున్నారు. వారు ఇక్కడ కూలీ పనులు చేసుకుంటారు. ఆప్ అధ్యక్షుడు అరవింద్ కేజ్రీవాల్ తెలంగాణ లో పాదయాత్ర చేస్తామంటే స్వాగతిస్తాం. ఇప్పటికే చాలామంది పాదయాత్ర చేస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రెండు రాష్ట్రాలు.. రెండు ఓట్లు!
సాధారణంగా ఓటరు ఒక్కసారే ఓటు వేయాల్సి ఉంటుంది. ఎన్నికల కమిషన్(ఈసీ) కూడా అదే చెబుతుంది. -
సమస్య ఓ చోట.. సమర్పించేది మరోచోట.. పాస్పోర్టు దరఖాస్తుదారుల్లో గందరగోళం
ధ్రువపత్రాల సమర్పణలో పొరపాట్లతో తిరస్కరణకు గురైన పాస్పోర్టు దరఖాస్తుదారుల్లో గందరగోళం నెలకొంటోంది. పాస్పోర్టు సేవాకేంద్రాల్లో సమర్పించాల్సిన ధ్రువపత్రాలను రీజనల్ సేవా కేంద్రంలో సమర్పిస్తుండడమే దీనికి కారణం -
50 ఏళ్ల తరువాత.. నవమి రోజున సీతారాముల కల్యాణం
దేశంలోని ప్రధాన రామాలయాల్లో ఏటా శ్రీరాముడి జన్మ నక్షత్రమైన పునర్వసు (శ్రీరామ నవమి) శుభ ఘడియల్లో సీతారాముల కల్యాణం నిర్వహిస్తారు. -
సీతమ్మను మనువాడె భద్రాద్రి రామయ్య
భద్రాచలంలో శ్రీ సీతారామచంద్రస్వామి వార్షిక కల్యాణోత్సవం అశేష భక్తజనుల జయజయధ్వానాల నడుమ ఆద్యంతం వైభవోపేతంగా సాగింది. -
చెలమల నీళ్లే గొంతు తడుపుతున్నాయ్
రాష్ట్రంలోని ఏజెన్సీ గ్రామాలు, ఆవాసాల్లో తాగునీటి కటకట నెలకొంది. తాగునీటి సరఫరా ప్రాజెక్టుల నిర్మాణం, నిర్వహణలో లోపాలు, ప్రణాళిక లేమితో గిరిజనులకు రక్షిత జలం అందక.. కాలువలు, చెలమల్లోని నీళ్లే దిక్కయ్యాయి. -
సొమ్ము వెనక్కి వచ్చేది ఎప్పుడో?
ఏదన్నా కారణంతో ధరణి సేవలను రద్దు చేసుకున్న వారు అప్పటికే ప్రభుత్వానికి చెల్లించిన రుసుం తిరిగి పొందడానికి అష్ట కష్టాలు ఎదుర్కోవాల్సి వస్తోంది. -
బంగారం బిస్కెట్లుగా ఆలయాల ఆభరణాలు
రాష్ట్రంలోని ప్రముఖ ఆలయాలకు భక్తులు సమర్పించిన బంగారం, వెండి ఆభరణాల్లో దేవతామూర్తుల అలం -
కార్టూనిస్ట్ శ్రీధర్ ఆధ్వర్యంలో 21న పెయింటింగ్ వర్క్షాప్
ఔత్సాహిక చిత్రకారుల కోసం వేసవి సెలవుల్లో ఒక ప్రత్యేక వర్క్షాప్ నిర్వహిస్తున్నట్టు శ్రీధర్ ఆర్ట్ ఇన్స్టిట్యూట్ నిర్వాహకులు, ప్రముఖ కార్టూనిస్ట్ శ్రీధర్ తెలిపారు. -
అమరావతిపై ఇంత కక్షా!
అమరావతిపై వైకాపా ప్రభుత్వ నిర్లక్ష్యానికి, కక్ష సాధింపునకు పరాకాష్ఠ ఇది. రాజధానికి శంకుస్థాపన జరిగిన ప్రాంతంలో అమరావతి నమూనాలను గుర్తు తెలియని వ్యక్తులు ధ్వంసం చేశారు. -
గురుకుల విద్యార్థి ప్రశాంత్ మరణానికి బాధ్యులపై తగిన చర్యలు
భువనగిరి సాంఘిక సంక్షేమ గురుకుల పాఠశాల విద్యార్థి ప్రశాంత్ మరణం బాధాకరమని ఆ శాఖ కార్యదర్శి సీతాలక్ష్మి బుధవారం ఒక ప్రకటనలో పేర్కొన్నారు. -
పదేళ్ల తర్వాత రాష్ట్ర ప్రభుత్వ వైద్యుల సంఘం ఎన్నికలు
తెలంగాణ రాష్ట్ర ప్రభుత్వ వైద్యుల సంఘం (టీజీడీఏ)ఎన్నికలకు హైకోర్టు అనుమతించిన నేపథ్యంలో ఎన్నికలు నిర్వహిస్తున్నట్లు ఆ సంఘం కోర్ కమిటీ బుధవారం ఒక ప్రకటనలో పేర్కొంది. -
విద్యుదుత్పత్తి చేసి.. బయట అమ్ముకోవచ్చు!
దేశంలో విద్యుత్ డిమాండ్ పెరగడంతో గ్యాస్ ఆధారిత విద్యుదుత్పత్తి కేంద్రాలకు కేంద్ర ప్రభుత్వం వెసులుబాటు కల్పించింది. -
శ్రీవారి ఆలయంలో వైభవంగా శ్రీరామనవమి ఆస్థానం
శ్రీవారి ఆలయంలో శ్రీరామనవమి ఆస్థానాన్ని పురస్కరించుకుని శ్రీసీతారామలక్ష్మణ సమేత హనుమంతులవారి ఉత్సవర్లకు స్నపన తిరుమంజనాన్ని బుధవారం వైభవంగా నిర్వహించారు. -
సాగర్లో అత్యవసర మోటార్ల ట్రయల్ రన్ ప్రారంభం
హైదరాబాద్ జంట నగరాలు, నల్గొండ జిల్లా తాగునీటి అవసరాలు తీర్చేందుకు నాగార్జునసాగర్ జలాశయంలో హెచ్ఎండబ్ల్యూఎస్ఎస్బీ (జలమండలి) ఆధ్వర్యాన ఏర్పాటు చేస్తున్న అత్యవసర మోటార్ల ప్రయోగాత్మక పరిశీలన (ట్రయల్ రన్) బుధవారం ప్రారంభమైంది. -
నదుల అనుసంధానంపై దిల్లీలో టాస్క్ఫోర్స్ సమావేశం రేపు
కేంద్ర ప్రభుత్వం ప్రతిష్ఠాత్మకంగా చేపట్టిన నదుల అనుసంధాన ప్రాజెక్టులో భాగంగా గోదావరి-కావేరి లింక్పై శుక్రవారం నదుల అనుసంధాన టాస్క్ఫోర్స్ కమిటీ చర్చించనుంది. -
సమస్య గుర్తించక ముందే మరమ్మతులెలా నిర్ణయిస్తారు..?
మేడిగడ్డ బ్యారేజీ మరమ్మతు పనులను గుత్తేదారులకు అప్పగించేందుకు నీటిపారుదలశాఖ నిర్ణయించినట్లు జరుగుతున్న ప్రచారంపై ప్రభుత్వ పెద్దలు ఆగ్రహంతో ఉన్నట్లు తెలిసింది. -
సివిల్స్ విజేతలకు కేటీఆర్ శుభాకాంక్షలు
సివిల్స్లో విజయం సాధించిన తెలుగు రాష్ట్రాల అభ్యర్థులంతా పూర్తి శక్తి సామర్థ్యాలను వినియోగించి.. దేశ భవిష్యత్ నిర్మాణంలో ప్రధానపాత్ర పోషిస్తారని ఆశిస్తున్నట్లు భారాస కార్యనిర్వాహక అధ్యక్షుడు, మాజీ మంత్రి కేటీఆర్ ఆకాంక్షించారు. -
సివిల్స్లో సత్తా చాటిన తెలుగువారికి చంద్రబాబు అభినందనలు
సివిల్స్కు తెలుగు రాష్ట్రాల నుంచి ఎంపికైన అభ్యర్థులకు తెదేపా అధినేత చంద్రబాబు శుభాకాంక్షలు తెలిపారు. -
ప్రైవేటు బడుల ఫీ‘జులుం’!
రాష్ట్రవ్యాప్తంగా ప్రైవేటు, కార్పొరేటు పాఠశాలల్లో రుసుములు ఆకాశాన్నంటుతున్నాయి. ప్లేస్కూల్, ఎల్కేజీ, యూకేజీ, మొదటి తరగతి నుంచి పదో తరగతి వరకు.. డొనేషన్లు, అభివృద్ధి ఛార్జీలు, రుసుములతో పాటు పుస్తకాలు, దుస్తులు, బూట్లు, బెల్టుల పేరిట తల్లిదండ్రుల జేబులకు భారీగా చిల్లులు పెడుతున్నాయి. -
రోజుకు రూ.కోటి ఆదాయం పెరగాలి!
ప్రయాణికుల నుంచి మరింత ఆదాయం రాబట్టుకునేందుకు తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) సిద్ధమవుతోంది. ఇందుకోసం డీలక్స్, సూపర్లగ్జరీ, ఏసీ బస్సుల సేవలపై దృష్టిపెట్టబోతోంది. -
ద.మ రైల్వేకు రూ.20,339 కోట్ల రికార్డు ఆదాయం
దక్షిణ మధ్య రైల్వే రికార్డు స్థాయిలో ఆదాయాన్ని గడించింది. తొలిసారి రూ.20 వేల కోట్ల మైలురాయిని దాటింది.
తాజా వార్తలు (Latest News)
-
జాబిల్లిపై చైనా ముందే కాలుమోపితే.. అక్రమణలే: నాసా అధిపతి వ్యాఖ్యలు
-
తెలుగు రాష్ట్రాల్లో ఎన్నికలు.. తొలిరోజు నామినేషన్ వేసిన కీలక నేతలు
-
భారత క్రికెట్లో నీ భాగస్వామ్యం ఏంటి?: హర్షా భోగ్లేపై మాజీ క్రికెటర్ ఆగ్రహం
-
జగన్పై రాయి దాడి కేసు.. ఆ ఆరుగురి వివరాలు తెలపాలంటూ కోర్టులో పిటిషన్
-
ఈనాడు.నెట్లో టాప్ 10 వార్తలు @ 1 PM
-
ప్రపంచంలో బెస్ట్ ఎయిర్పోర్టులివే.. భారత విమానాశ్రయాలు ఏ స్థానంలో..?