నేటితో ముగియనున్న ఇంటర్‌ పరీక్షలు

ఈనాడు, హైదరాబాద్‌: రాష్ట్రంలో ఇంటర్‌ పరీక్షలు మంగళవారంతో ముగియనున్నాయి. ప్రథమ, ద్వితీయ సంవత్సరాల్లో కలిపి మొత్తం 9,07,393 మంది విద్యార్థులు పరీక్షలకు హాజరయ్యారు. జూన్‌ 20లోగా ఫలితాలను వెల్లడించేందుకు ఇంటర్‌ బోర్డు కసరత్తు చేస్తోంది. ఈ నెల 12 నుంచి రాష్ట్రంలోని 14 కేంద్రాల్లో మూల్యాంకనం చేపడుతోంది. ఈ ఏడాది కొత్తగా మంచిర్యాల, నిర్మల్‌ జిల్లాల్లోనూ కేంద్రాలను ఏర్పాటు చేసింది. జూన్‌ రెండో వారం చివరి నాటికి స్పాట్‌ వాల్యుయేషన్‌ పూర్తి చేయాలని బోర్డు లక్ష్యంగా పెట్టుకుంది. సోమవారం ప్రథమ సంవత్సరం విద్యార్థులకు మోడ్రన్‌ లాంగ్వేజ్‌ పేపర్‌-1, జాగ్రఫీ పేపర్‌-1 పరీక్షలు జరిగాయి. వీటికి 490 మంది విద్యార్థులు దరఖాస్తు చేసుకోగా, 471 మంది హాజరయ్యారని బోర్డు కార్యదర్శి ఉమర్‌ జలీల్‌ తెలిపారు.