న్యాయస్థానాల భవనాలకు భూమి కేటాయింపు

21 జిల్లాల్లో కేటాయిస్తూ ఉత్తర్వుల జారీ

ఈనాడు, హైదరాబాద్‌: రాష్ట్రంలోని నూతన జిల్లాల్లో న్యాయస్థానాల భవన సముదాయాల నిర్మాణం కోసం భూములను కేటాయిస్తూ ప్రభుత్వ ప్రధాన కార్యదర్శి సోమేశ్‌కుమార్‌ గురువారం ఉత్తర్వులు జారీ చేశారు. గతంలో ఉన్న పది జిల్లాలకు అదనంగా 23 జిల్లాలను ప్రభుత్వం ఏర్పాటు చేసిన విషయం తెలిసిందే. మంచిర్యాల, వనపర్తి జిల్లాలు మినహా మిగిలిన కొత్త జిల్లాల్లో న్యాయస్థాన భవనాలు నిర్మించాల్సి ఉంది. ఈ నేపథ్యంలో ఆ 21 జిల్లాల్లో భూమిని గుర్తించి జిల్లా కలెక్టర్లు ప్రభుత్వానికి నివేదికలు పంపారు. ఆ మేరకు కుమురం భీం ఆసిఫాబాద్‌ జిల్లాకు 2.20 ఎకరాలు కేటాయించగా అధిక శాతం జిల్లాలకు పది ఎకరాల చొప్పున కేటాయిస్తున్నట్లు ఆ ఉత్తర్వుల్లో పేర్కొన్నారు.