మాంసం ఉత్పత్తిలో అంతర్జాతీయ స్థాయికి చేరాలి

వ్యవసాయ శాఖ మంత్రి నిరంజన్‌రెడ్డి

ఈనాడు, హైదరాబాద్‌, బోడుప్పల్‌, న్యూస్‌టుడే: మాంసం ఉత్పత్తిలో అంతర్జాతీయ స్థాయిని అందుకోవాలని రాష్ట్ర వ్యవసాయశాఖ మంత్రి నిరంజన్‌రెడ్డి అన్నారు. మాంసం ఉత్పత్తులపై పరిశోధనలు మరింత వేగం పెంచాల్సిన అవసరం ఉందన్నారు. వనపర్తి గొర్రెలు, మేకల పెంపకందార్ల సంఘం ప్రతినిధులు, రాష్ట్ర పశుసంవర్ధక శాఖ అధికారులతో కలిసి శనివారం ఆయన మేడ్చల్‌-మల్కాజిగిరి జిల్లా చెంగిచర్లలోని జాతీయ మాంసం పరిశోధనా కేంద్రాన్ని సందర్శించారు. ఈ సందర్భంగా కేంద్రంలోని పరికరాలను మంత్రి పరిశీలించి మాట్లాడారు. రాష్ట్రంలో 2 కోట్ల గొర్రెలు ఉన్నాయని, దేశంలో ఎక్కువ జీవాలున్న ప్రాంతం తెలంగాణ రాష్ట్రమేనని అన్నారు.