ఒక కొమ్మ.. వంద కాయలు

చిత్రంలో మీరు చూస్తున్నది మూడేళ్ల వయసున్న చిన్న మామిడి మొక్క.. గుత్తులు గుత్తులుగా కాయలు కాసి అందరి దృష్టినీ ఆకర్షిస్తోంది. ప్రత్యేకించి ఓ కొమ్మ వందకు పైగా కాయలతో ఆకట్టుకుంటోంది. నిజామాబాద్‌ జిల్లా రెంజల్‌ మండలం బోర్గాంలో పోశెట్టి అనే రైతు ఇంటి ఆవరణలో ఉందిది. ఈ ఏడాది వెయ్యికి పైగా కాయలు కాసిందని రైతు ఆనందం వ్యక్తం చేశారు. కాండం నుంచి కాపు రావడంతో ఈ మొక్క ఇలా గుత్తులుగా కాసిందని, ఇది అరుదేనని, దీన్ని కాల్‌ఫ్లోరస్‌ అని పిలుస్తారని ఉద్యానశాఖ అధికారి వాజిదుజ్జామా వివరించారు.

- న్యూస్‌టుడే, రెంజల్‌