సాగర్‌ నీటిమట్టం 533 అడుగులు.. ఎస్సారెస్పీకి 4,572 క్యూసెక్కుల ప్రవాహం

ఈనాడు, హైదరాబాద్‌:  శ్రీశైలం దిగువన కృష్ణా పరివాహకంలో కురుస్తున్నవర్షాలకు నాగార్జునసాగర్‌ జలమట్టం క్రమంగా పెరుగుతోంది. 7,367 క్యూసెక్కుల ప్రవాహం వస్తుండడంతో ఆదివారం సాగర్‌లో నీటి మట్టం 533 అడుగులకు చేరుకుంది. జలాశయ నిల్వ సామర్థ్యం 312.05 టీఎంసీలు కాగా ప్రస్తుతం 174.06 టీఎంసీలున్నాయి. తుంగభద్రకు 1647 క్యూసెక్కుల ప్రవాహం నమోదవుతోంది. మరోవైపు 4,572 క్యూసెక్కుల గోదావరి జలాలు వచ్చి చేరుతుండడంతో ఎస్సారెస్పీ నీటిమట్టం పెరుగుతోంది. కడెం ప్రాజెక్టుకు 2060, ఎల్లంపల్లికి 1170 క్యూసెక్కుల ప్రవాహం నమోదయింది. మహారాష్ట్ర, ఆదిలాబాద్‌లో కురుస్తున్న వర్షాలకు ప్రాణహితకు వరద వస్తుండగా కాళేశ్వరం ప్రాజెక్టులోని మేడిగడ్డ బ్యారేజీ వద్ద 9,300క్యూసెక్కుల నీరు వచ్చి చేరుతోంది.