గోదావరిపై మంచిర్యాల వద్ద బ్రిడ్జి

మంచిర్యాల-రామగుండం మధ్య రోడ్డుమార్గం

ఈనాడు, హైదరాబాద్‌: గోదావరిపై మరో వంతెన నిర్మాణానికి రంగం సిద్ధం అవుతోంది. మంచిర్యాల-రామగుండం పట్టణాల అనుసంధానంలో ఈ రహదారి వంతెన నిర్మాణం కీలక భూమిక పోషించనుంది. గోదావరిపై మంచిర్యాల- అంతర్గామ్‌ మధ్య 1.4 కిలోమీటర్ల మేర వంతెన నిర్మాణానికి రహదారులు, భవనాల శాఖ టెండర్లు ఆహ్వానించింది. ఈ నిర్మాణం పూర్తయితే మంచిర్యాల, రామగుండంల మధ్య రాకపోకలు మరింత సుగమం అవుతాయి. ఆ రెండు పట్టణాల ప్రజల ఇబ్బందులు తొలగుతాయి. దీని నిర్మాణానికి రూ.164 కోట్ల వ్యయం అవుతుందన్నది అంచనా. టెండర్లు దాఖలు చేసేందుకు వచ్చే నెల అయిదో తేదీ తుది గడువుగా రహదారులు, భవనాల శాఖ పేర్కొంది.