Updated : 28 Jun 2022 06:04 IST

తెరుచుకున్న లక్ష్మీ బ్యారేజి గేట్లు

నాలుగు గేట్ల ద్వారా మూసీ వరద విడుదల

ఈనాడు, హైదరాబాద్‌, మహదేవపూర్‌, కేతేపల్లి, న్యూస్‌టుడే: కాళేశ్వరం ప్రాజెక్టులోని లక్ష్మీ(మేడిగడ్డ) బ్యారేజిలో సోమవారం పది గేట్లను ఎత్తి నీటిని విడుదల చేస్తున్నారు. ఎగువ ప్రాంతంలో కురుస్తున్న వర్షాలతో గోదావరి, ప్రాణహిత నదుల నుంచి వరద వచ్చి చేరుతోంది. జయశంకర్‌ భూపాలపల్లి జిల్లా మహదేవ్‌పూర్‌ మండలంలో ఉన్న ఈ బ్యారేజి గేట్లు తెరుచుకోవడం ఈ ఏడాది ఇదే మొదటి సారి. మేడిగడ్డ బ్యారేజీకి సోమవారం ఉదయం 9,300 క్యూసెక్కుల ప్రవాహం ఉండగా మధ్యాహ్నం 17,320 క్యూసెక్కులకు పెరిగింది. ప్రస్తుతం 9.6 టీఎంసీల నిల్వ ఉంది. 10 గేట్ల ద్వారా 15,310 క్యూసెక్కుల నీటిని వదులుతున్నారు. మరోవైపు గోదావరిపై ఎగువన ఉన్న శ్రీరాంసాగర్‌ ప్రాజెక్టుకు 3,761 క్యూసెక్కుల వరద వస్తోంది. కృష్ణా పరీవాహకంలో రెండు రోజుల నుంచి కురుస్తున్న వర్షాలకు నల్గొండ జిల్లా కేతేపల్లి మండలంలోని మూసీ జలాశయం పూర్తిగా నిండింది. దీంతో సోమవారం ప్రాజెక్టుకు ఉన్న మూడు, నాలుగు, ఏడు, పది నంబర్ల క్రస్టుగేట్లను ఒకటిన్నర అడుగుల మేర ఎత్తు దిగువ మూసీలోకి 4,935 క్యూసెక్కుల నీటిని విడుదల చేశారు. రిజర్వాయర్‌ పూర్తి స్థాయి నీటిమట్టం 645 అడుగులు కాగా సోమవారం రాత్రి 644.25 అడుగుల నీరుంది. నాగార్జునసాగర్‌కు 6,764 క్యూసెక్కులు, తుంగభద్ర జలాశయానికి 1445 క్యూసెక్కుల ప్రవాహం వస్తోంది.

Read latest Ts top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని