రెండు నెలల పన్ను రాబడి రూ.18,751 కోట్లు

కాగ్‌కు వివరాలు ఇచ్చిన ఆర్థికశాఖ

ఈనాడు, హైదరాబాద్‌: రాష్ట్రానికి ప్రస్తుత ఆర్థిక సంవత్సరం(2022-23)లోని మొదటి రెండు నెలల్లో పన్నులు రాబడి రూ.18,751 కోట్లుగా నమోదైంది. ఇది ఏడాది మొత్తం ఆదాయం అంచనా రూ.1,26,606 కోట్లలో 15 శాతం కావడం గమనార్హం. ఇంకా రుణాల రూపంలో రూ.274 కోట్లు, పన్నేతర రాబడిగా రూ.913 కోట్లు వచ్చింది. ఏప్రిల్‌, మే నెలల్లో రాష్ట్రానికి మొత్తం మీద రూ.20,227 కోట్లు వచ్చినట్లు ఆర్థికశాఖ వివరించింది. ప్రస్తుత ఆర్థిక సంవత్సరంలో మే నెల వరకు రాష్ట్ర రాబడులు, వ్యయ వివరాలను ఆర్థికశాఖ కాగ్‌కు అందచేసింది. అత్యధిక ఆదాయం జీఎస్టీ ద్వారా రాగా తర్వాత స్థానంలో అమ్మకం పన్ను ఉంది. మే నెల వరకు ఎక్కువగా వేతనాలకు రూ.6,078 కోట్లు వ్యయం కాగా పింఛన్లు, రెవెన్యూ వ్యయం, రాయితీలు, వడ్డీల చెల్లింపులు ఇతర ప్రధాన వ్యయాలుగా ఉన్నాయి.