నిల్చునే ఓపిక లేక.. వరసలో రాయి, సీసా..!

వర్షాలు ప్రారంభమవడంతో యూరియా కోసం రైతులు ఆశగా ఎదురు చూస్తున్నారు. ఈ నేపథ్యంలో కామారెడ్డి జిల్లా లింగంపేట మండల కేంద్రానికి 140 మెట్రిక్‌ టన్నుల యూరియా వచ్చిందని తెలియడంతో బుధవారం రైతులు సొసైటీ కార్యాలయం వద్దకు పెద్ద సంఖ్యలో తరలివచ్చారు. ఉదయం 6 గంటలకే కార్యాలయం వద్దకు చేరుకుని ఆరుబయట చెప్పులు, రాళ్లు, కల్లు సీసాలను వరుసలో పెట్టారు. గంటల తరబడి నిలబడే ఓపిక లేక వరుసలో వీటిని పెట్టినట్లు అన్నదాతలు తెలిపారు. కాగా కార్యాలయానికి వచ్చిన ఎనిమిది వందల మందికి యూరియా బస్తాలు అందించినట్లు, ఇంకా సరకు మిగిలి ఉందని అధికారులు పేర్కొన్నారు.

- న్యూస్‌టుడే, లింగంపేట