ఆ విద్యార్థికి సున్నా కాదు.. ఒక మార్కు వచ్చింది: ఇంటర్‌ బోర్డు

ఈనాడు, హైదరాబాద్‌: ఇంటర్‌ ద్వితీయ సంవత్సరం సంస్కృతంలో మహబూబ్‌నగర్‌ జిల్లాకు చెందిన హరికిరణ్‌ అనే విద్యార్థికి సున్నా మార్కులు వచ్చినట్లు మెమోలో చూపిన ఇంటర్‌బోర్డు.. ఆ విద్యార్థికి ఒక మార్కు వచ్చిందని బుధవారం తెలిపింది. ఇంటర్మీడియట్‌ బోర్డు ప్రకటించిన ఫలితాల్లో తప్పులు దొర్లాయంటూ ‘‘ఇంటర్‌ ఫలితాల్లో మళ్లీ తప్పులు’’ శీర్షికన ‘ఈనాడు’లో బుధవారం కథనం ప్రచురితమైన విషయం తెలిసిందే. దీనిపై స్పందించిన ఇంటర్‌బోర్డు ఆ విద్యార్థి జవాబు పత్రాన్ని బుధవారం సబ్జెక్టు నిపుణుడితో పునఃపరిశీలన చేయించింది. అంతకు ముందు ఎగ్జామినర్‌ ఆ విద్యార్థి జవాబు పత్రానికి సున్నా వేశారని, తాజా ఎగ్జామినర్‌ మాత్రం ఒక మార్కు ఇచ్చారని బుధవారం ఒక ప్రకటనలో తెలిపింది.