Published : 01 Jul 2022 06:10 IST

అడుగడుగునా పోలీసు.. అణువణువూ తనిఖీ

రెండ్రోజులు హోటల్‌ నోవాటెల్‌లోనే ప్రధాని బస?

ఈనాడు -హైదరాబాద్‌, న్యూస్‌టుడే - మాదాపూర్‌:  వేల మంది పోలీసులు... అంతకు మించి సీసీ కెమెరాలు... అత్యాధునిక కంట్రోల్‌రూంలు... అణువణువు జాగిలాల తనిఖీలు... పోలీసుల పరిశీలనలో సామాజిక మాధ]్యమాలు... ఇది రాష్ట్ర రాజధానిలో ప్రస్తుతం నెలకొన్న పరిస్థితి. భాజపా జాతీయ కార్యవర్గ సమావేశాల సందర్భంగా పోలీసులు కనీవినీ ఎరుగని రీతిలో భద్రతా ఏర్పాట్లు చేస్తున్నారు. జులై 2, 3 తేదీల్లో ప్రధాని హైటెక్స్‌లోని నోవాటెల్‌ హోటల్లోనే బసచేసే అవకాశం ఉండటంతో పరిసర ప్రాంతాల్లో రాత్రి గస్తీని ఉద్ధృతం చేస్తున్నారు. సైబరాబాద్‌ కమిషనర్‌ స్టీఫెన్‌ రవీంద్ర గురువారం హెచ్‌ఐసీసీ ప్రాంగణంలో ఉన్నతస్థాయి సమావేశం నిర్వహించారు. నాలుగంచెల భద్రతా ఏర్పాటు చేస్తున్నట్లు చెప్పారు. అయిదువేల మంది పోలీసులు ప్రత్యక్షంగా, మరో అయిదువేల మంది ఇతరత్రా పనుల్లో పాలుపంచుకోనున్నారు. హైటెక్స్‌లోనే ప్రత్యేక కమాండ్‌ కంట్రోల్‌రూం ఏర్పాటు చేశారు. 2,3,4 తేదీల్లో హైటెక్స్‌ నుంచి నోవాటెల్‌కు వెళ్లే మార్గంలో ప్రధాన ద్వారం, మీనాక్షి చౌరస్తా, న్యాక్‌ ముఖద్వారం వద్ద మూడంచెల తనిఖీ అనంతరమే హెచ్‌ఐసీసీ ప్రాంగణంలోకి వెళ్లేందుకు పాస్‌లు ఉన్న వారికి మాత్రమే అనుమతినిస్తారని పోలీసులు స్పష్టం చేశారు. అర్ధరాత్రి ఒంటిగంట తరువాత హెచ్‌ఐసీసీని ఎస్పీజీ స్వాధీనం చేసుకుంది. ఈ ప్రాంగణంలో భాజపా ప్రస్థానంపై ‘గొల్లకొండ’ పేరిట ఫొటో ఎగ్జిబిషన్‌ ఏర్పాటు చేయనున్నారు.

Read latest Ts top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని