తోటలందు ‘ఈ’త తోట వేరయా!

ఈనాడు, హైదరాబాద్‌: తోటలు అనగానే ఎవరికైనా గుర్తుకొచ్చేది కూరగాయలు, పండ్ల, పూల తోటలే కానీ.. ఇది ఈత తోట. అదీ రాష్ట్ర రాజధాని నడిబొడ్డున ఉంది. హైదరాబాద్‌లోని పాత బోయినపల్లికి చెందిన మామిడి మహేందర్‌రెడ్డి తనకున్న ఏడెకరాల్లో మొదట్లో సాధారణ పంటలు సాగుచేసేవారు. భూగర్భ జలాలు తగ్గిపోవడంతో ఆ పంటల సాగును కొన్నేళ్ల కిందటే ఆపివేశారు. తెలంగాణ ప్రభుత్వం నీరాను ప్రోత్సహించడం, ఈత తోటలకు నీటి అవసరం ఎక్కువగా ఉండదని తెలుసుకుని ఆ దిశగా అడుగేశారు. రెండేళ్ల కిందట సంగారెడ్డి నుంచి ఈత,  కడియం నుంచి జీలుగు, ఖర్జూర మొక్కలు తెప్పించి  ఏడెకరాల్లో వేశారు. ఇందుకోసం రూ.15 లక్షలు ఖర్చు చేశారు. తోటను ఎప్పుడూ సీసీ కెమెరాల సాయంతో పర్యవేక్షిస్తారు.