సముద్ర జలాల శుద్ధిపై ‘నెల్లూరు’ యువకుడికి మూడు పేటెంట్‌లు

గుడ్లూరు, న్యూస్‌టుడే: నెల్లూరు జిల్లా గుడ్లూరు మండల కేంద్రానికి చెందిన డా.సూరపరాజు సుబ్బరామ కౌశిక్‌ అనే యువకుడు సముద్రపు జలాలను శుద్ధి చేయడంపై 3 పేటెంట్‌లను పొందారు. పుదుచ్చేరి వర్సిటీనుంచి పీహెచ్‌డీ పట్టా పొందిన సుబ్బరామ కౌశిక్‌ తయారు చేసిన సముద్రపు నీటిని తాగునీటిగా మార్చే పరికరానికి భారత ప్రభుత్వం పేటెంట్‌ హక్కులు ఇస్తూ ఉత్తర్వులు ఇచ్చింది. ఈ విషయాన్ని కౌశిక్‌ శుక్రవారం తెలిపారు. సముద్రపు జలాలను తాగునీటిగా మార్చే ప్రక్రియలో వృక్ష సంబంధ పీచు పదార్థాలను ఉపయోగించినట్లు వివరించారు. దీంతోపాటు మైనం, సముద్రపు ఇసుక ఉపయోగించి నీటిని శుద్ధిచేసే మరో రెండు ప్రక్రియలకు కూడా పేటెంట్‌ లభించిందన్నారు.