పాఠశాలలకు రూ.100 కోట్ల నాబార్డు నిధులు!

ఈనాడు, హైదరాబాద్‌: రాష్ట్రంలోని ప్రభుత్వ పాఠశాలల్లో రూ.7300 కోట్లతో వసతులు కల్పిస్తున్న నేపథ్యంలో ప్రభుత్వం నాబార్డు నుంచి రుణాన్ని తీసుకుంటోంది. అక్కడి నుంచి రూ.500 కోట్లు అప్పుగా పొందాలని భావిస్తోంది. అందులో ఇప్పటికే రూ.100 కోట్ల నిధులు వచ్చాయని విద్యాశాఖ వర్గాల ద్వారా తెలిసింది. మరో రూ.160 కోట్లు అసెంబ్లీ నియోజకవర్గ అభివృద్ధి కార్యక్రమం(ఏసీడీపీ) నిధుల నుంచి తీసుకుంటోంది. ఇప్పటివరకు మొత్తం రూ.69 కోట్లు విడుదలయ్యాయి. అందులో 30 జిల్లాలకు రూ.2 కోట్ల చొప్పున, మూడు జిల్లాలకు రూ.3 కోట్ల చొప్పున ప్రభుత్వం విడుదల చేసింది.