అల్లూరికి స్వర నివాళి

గీతాన్ని ఆవిష్కరించిన జస్టిస్‌ ఆకుల వెంకట శేషసాయి

విజయవాడ: అల్లూరి సీతారామరాజు 125వ జయంతి వేడుకల నేపథ్యంలో భీమవరంలో ఆయన విగ్రహాన్ని ఈనెల 4న ప్రధాని ఆవిష్కరిస్తున్న సందర్భంగా కవి ముకుందశర్మ ప్రత్యేక గీతం రచించారు. దానికి గజల్‌ శ్రీనివాస్‌ సంగీతం సమకూర్చి, స్వయంగా పాడారు. ఈ ప్రత్యేక గీతాన్ని ఆంధ్రప్రదేశ్‌ హైకోర్టు న్యాయమూర్తి జస్టిస్‌ ఆకుల వెంకట శేషసాయి శనివారం విజయవాడలో ఆవిష్కరించారు. ఈ సందర్భంగా ఆయన మాట్లాడుతూ... అల్లూరి సీతారామరాజు దేశం కోసం చేసిన ప్రాణత్యాగం ఆచంద్రతారార్కం నిలిచి ఉంటుందన్నారు. ఆయన జీవిత చరిత్ర ప్రజల్లో దేశభక్తిని రగిలిస్తుందన్నారు.