మరోసారి గ్యాస్ మంట
గృహావసర సిలిండరు ధర రూ. 50 పెంపు
24 నెలల్లో రూ. 418.50 భారం
ఈనాడు, హైదరాబాద్: సామాన్యులపై మరోసారి ధరల బండపడింది. నిత్యావసర వస్తువుల ధరలు ఆకాశాన్నంటుతున్న తరుణంలో మళ్లీ వంట గ్యాస్ధర భగ్గుమంది. తాజాగా రూ.50 పెంచటంతో గృహావసరాలకు వినియోగించే 14.2 కిలోల వంట గ్యాస్ సిలిండరు ధర హైదరాబాద్లో రూ.1,105కు ఎగబాకింది. నామమాత్రంగా ఇస్తున్న రాయితీ సొమ్మును కూడా రెండు నెలలుగా కేంద్ర ప్రభుత్వం ఇవ్వడం లేదు.వంట గ్యాస్ ధర అంచనాలకు మించి పెరుగుతుండటంతో సామాన్య ప్రజలపై భారీగా భారం పడుతోంది. అంతర్జాతీయ మార్కెట్లో చమురు ధరల ఆధారంగా ప్రతి నెలా ఒకటో తేదీన చమురు సంస్థలు సిలిండరు ధరల్లో మార్పులు, చేర్పులు చేస్తాయి. అయితే గత సంవత్సరం ఒకే నెలలో రెండు సార్లు పెంచిన సందర్భాలూ ఉన్నాయి. గడిచిన ఏడాది చివర్లో పలు రాష్ట్రాల అసెంబ్లీ ఎన్నికలు ఉండటంతో ధర పెంపుదలకు కేంద్రం బ్రేకులు వేసింది. గత నవంబరు నుంచి ఈ ఏడాది ఫిబ్రవరి వరకు ధరల్లో ఎలాంటి మార్పులు చేయలేదు. మార్చి నుంచి ధరల ఫిరంగులు మోగుతూనే ఉన్నాయి.
నెలకు రూ.29 కోట్ల భారం
గడిచిన ఏడాది వ్యవధిలో సిలిండరుపై రూ.193 భారం పెరిగింది. రెండేళ్ల వ్యవధిలో రూ.418.50 పెరిగింది. మూడు నెలలుగా చడీచప్పుడు లేకుండా ఉన్న చమురు సంస్థలు ఒకసారిగా సిలిండరుపై రూ.50 పెంచటంతో కంగు తినటం ప్రజల వంతవుతోంది. రాష్ట్రంలో ప్రతి నెలా సగటున 55 లక్షల సిలిండర్లు వినియోగమవుతాయి. తాజా పెంపుతో నెలకు వినియోగదారులపై రూ. 27.50 కోట్ల నుంచి రూ.29 కోట్ల వరకు భారం పడనుంది. దారిద్య్రరేఖ దిగువన ఉన్న వారికి ప్రధానమంత్రి ఉజ్వల్ యోజన పథకం కింద సుమారు 34 లక్షల కనెక్షన్లు ఉన్నాయి. వారికి మాత్రం రూ.241.50లను రాయితీగా కేంద్రం జమ చేస్తోంది. దీంతో వారు సిలిండరుకు రూ.863.50 చెల్లించినట్లు అవుతుంది. రానున్న రోజుల్లో సిలిండరు ధర మరింత పెరుగుతుందన్న ప్రచారం సాగుతోంది. కేంద్రం దశలవారీగా భారం తగ్గించుకోవాలన్న ఆలోచనలో ఉండటమే ఇందుకు కారణమని గ్యాస్ డీలర్లు అంచనా వేస్తున్నారు. ఇటీవల దిల్లీలో జరిగిన ఉన్నతస్థాయి సమావేశంలో చమురు సంస్థలు ఈ విషయాన్ని సూచనప్రాయంగా చెప్పాయని డీలర్ ఒకరు బుధవారం ‘ఈనాడు’తో చెప్పారు. అంతర్జాతీయ మార్కెట్తో పోలిస్తే సిలిండరుపై ఉన్న రూ. 220 భారాన్ని తగ్గించుకునే క్రమంలోనే తాజాగా రూ.50 భారాన్ని వినియోగదారులపై మోపిందని చెబుతున్నారు. మిగిలిన భారం కూడా పడక తప్పదని డీలర్లు అంటున్నారు.
వంటింట్లో మంట.. మహిళలకు మోదీ కానుక
ఈనాడు, హైదరాబాద్: గ్యాస్ సిలిండర్ ధరను పెంచి కేంద్రం వంటింట్లో మంట పెట్టిందని, సిలిండర్ ధర పెంచి దేశ మహిళలకు మోదీ కానుకగా ఇచ్చేశారని మంత్రి కేటీఆర్ బుధవారం ట్విటర్లో పేర్కొన్నారు. మోదీ నిర్వాకంతో ఇక మంచిరోజులు వచ్చేశాయ్.. అందరికీ శుభాకాంక్షలని ఆయన వ్యంగ్యంగా వ్యాఖ్యానించారు. గృహావసరాల సిలిండర్పై కేంద్రం రూ.50 పెంచిందంటూ ఒక నెటిజన్ చేసిన ట్వీట్కు కేటీఆర్ స్పందించి ఈ వ్యాఖ్యలు చేశారు.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని


తాజా వార్తలు (Latest News)
-
World News
Ukraine Crisis: ఉక్రెయిన్లో సమాధుల తవ్వకాలు.. కారణమేంటంటే?
-
India News
I-Day: స్వాతంత్య్ర వేడుకల వేళ పంజాబ్లో ఉగ్రముఠా కుట్రలు భగ్నం!
-
Sports News
Jadeja : రవీంద్ర జడేజా కంప్లీట్ ప్యాకేజ్.. కానీ భారీగా వికెట్లు తీస్తాడని మాత్రం ఆశించొద్దు!
-
Viral-videos News
Rakesh Jhunjhunwala: మరణం కూడా చిన్నబోయేలా..! వీల్ఛైర్లో ఝున్ఝున్వాలా డ్యాన్స్
-
General News
Exercise: వ్యాయామం చేస్తే..ఆరోగ్యం మీ సొంతం
-
Movies News
Liger: సూపర్స్టార్ అంటే ఇబ్బందిగా ఫీలవుతా.. నేనింకా చేయాలి: విజయ్ దేవరకొండ
ఎక్కువ మంది చదివినవి (Most Read)
- Taiwan: అగ్రరాజ్యం దూకుడు! తైవాన్లో అడుగుపెట్టిన మరో అమెరికా బృందం
- Liger: సూపర్స్టార్ అంటే ఇబ్బందిగా ఫీలవుతా.. నేనింకా చేయాలి: విజయ్ దేవరకొండ
- Ukraine Crisis: ఉక్రెయిన్లో సమాధుల తవ్వకాలు.. కారణమేంటంటే?
- Crime News: బిహార్లో తెలంగాణ పోలీసులపై కాల్పులు
- UK PM Race: బ్రిటన్ ప్రధాని రేసులో.. ముందంజలో లిజ్ ట్రస్..!
- Social Look: మహేశ్బాబు స్టైలిష్ లుక్.. తారా ‘కేకు’ వీడియో.. స్పెయిన్లో నయన్!
- Rakesh Jhunjhunwala: మరణం కూడా చిన్నబోయేలా..! వీల్ఛైర్లో ఝున్ఝున్వాలా డ్యాన్స్
- Video: ఇళ్ల మధ్యలోకి మొసలి.. భయంతో వణికిన జనం!
- Jadeja : రవీంద్ర జడేజా కంప్లీట్ ప్యాకేజ్.. కానీ భారీగా వికెట్లు తీస్తాడని మాత్రం ఆశించొద్దు!
- Cheteshwar Pujara : చితక్కొట్టిన పుజారా.. వరుసగా రెండో శతకం