సంధానకర్తగా వ్యవహరిస్తా: మందా

ఈనాడు, దిల్లీ: కేంద్ర, రాష్ట్ర ప్రభుత్వాల మధ్య సంధానకర్తగా పని చేస్తానని దిల్లీలో రాష్ట్ర ప్రభుత్వ ప్రత్యేక ప్రతినిధి మందా జగన్నాథం తెలిపారు. తెలంగాణ భవన్‌లో బుధవారం ఆయన బాధ్యతలు స్వీకరించారు. అనంతరం విలేకరులతో మాట్లాడారు. కేంద్ర ప్రభుత్వ అధికారులతో తరచూ సమావేశమై రాష్ట్రానికి నిధులు వచ్చేలా ప్రయత్నిస్తానన్నారు. వివిధ ప్రాజెక్టులకు అనుమతులు త్వరితగతిన వచ్చేలా చూస్తానని తెలిపారు. రాష్ట్రానికి సంబంధించి పెండింగ్‌లో ఉన్న వివిధ అంశాలను కేంద్ర ప్రభుత్వం దగ్గరకు ఎప్పటికప్పుడు తీసుకెళతానని చెప్పారు.