Published : 15 Aug 2022 06:25 IST

రక్తదాతలకు శ్రీవారి సుపథ దర్శనం

తిరుమల, న్యూస్‌టుడే: తిరుమల శ్రీవేంకటేశ్వర స్వామివారి శీఘ్రదర్శనానికి తితిదే అందిస్తున్న సౌకర్యాల్లో ఒకటి.. రక్తదాతలను సుపథం మీదుగా అనుమతించడం! ‘మానవసేవే మాధవసేవ’గా భావించి ఆపన్నులకు రక్తం ఇచ్చే వారికి తితిదే ఈ సౌలభ్యం కల్పిస్తోంది. తిరుమలలోని తితిదే అశ్విని ఆసుపత్రి రక్తనిధి కేంద్రంలో భక్తులు రక్తదానం చేస్తే, వారిని సుపథం క్యూలైన్‌లో పంపించేందుకు సిఫార్సు లేఖ, శ్రీవారి లడ్డూ ప్రసాదం, ప్రశాంసాపత్రాన్ని అందిస్తుంది. రోజూ ఇక్కడ పరిమితంగా 5-10 మంది భక్తులు రక్తదానం చేస్తున్నట్లు ఆస్పత్రి సూపరింటెండెంట్‌ డాక్టర్‌ కుసుమకుమారి తెలిపారు. ‘18-55 ఏళ్ల వయసున్న ఆరోగ్యవంతులు రక్తదానం చేయవచ్చు. ఇటీవలి కాలంలో శస్త్రచికిత్స, వ్యాక్సినేషన్‌ చేయించుకున్న వారు, దీర్ఘకాల వ్యాధిగ్రస్థులు అనర్హులు. దాతల నుంచి ఇక్కడ సేకరించే రక్తాన్ని తిరుపతిలోని బర్డ్‌, ప్రసూతి ఆస్పత్రుల్లోని రోగులకు అందిస్తున్నామ’ని ఆమె తెలిపారు.

Read latest Ts top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని