750 మంది పేద విద్యార్థులకు.. రూ.75 వేల చొప్పున సాయం

మేఘా ఇంజినీరింగ్‌ సంస్థ ఛైర్మన్‌ ప్రకటన

నాగారం, న్యూస్‌టుడే: 75వ స్వాతంత్య్ర దినోత్సవాన్ని పురస్కరించుకొని.. రాష్ట్రవ్యాప్తంగా 6 నుంచి 12వ తరగతి చదువుతున్న 750 మంది పేద విద్యార్థులకు రూ.75 వేల చొప్పున ఆర్థిక సహాయం అందించనున్నట్లు మేఘా ఇంజినీరింగ్‌ అండ్‌ ఇన్‌ఫ్రాస్ట్రక్చర్స్‌ సంస్థ (ఎంఈఐఎల్‌) ఛైర్మన్‌ పీపీరెడ్డి ప్రకటించారు. విధివిధానాలపై ఓ కమిటీని ఏర్పాటు చేసినట్లు తెలిపారు. సోమవారం మేడ్చల్‌ జిల్లా నాగారం పురపాలక పరిధిలోని ఎంఈఐఎల్‌-ఐకామ్‌ పరిశ్రమలో దేశీయంగా తయారు చేసిన.. 6 వేల అడుగుల లోతులో డ్రిల్లింగ్‌ చేసే సామర్థ్యం గల రిగ్గును ఆయన ప్రారంభించారు. దానిపై జాతీయ జెండాను ఆవిష్కరించి మాట్లాడారు.