నేడు ఆర్టీసీ పాలకవర్గ సమావేశం

ఈనాడు, హైదరాబాద్‌: స్వచ్ఛంద ఉద్యోగ విరమణ అమలు నేపథ్యంలో పాలకవర్గం నుంచి తుది ఆమోదంతో పాటు బ్యాంకుల నుంచి రుణాలు, ప్రభుత్వ చేయూత తదితర అంశాలను చర్చించేందుకు తెలంగాణ ఆర్టీసీ పాలకవర్గ సమావేశం గురువారం జరగనుంది. గడిచిన సమావేశంలో వీఆర్‌ఎస్‌ అమలు చేసేందుకు సూత్రప్రాయ ఆమోదాన్ని పొందారు. అప్పట్లో ప్యాకేజీకి అనుమతి తీసుకోలేదు. తాజా సమావేశంలో దానితోపాటు నూతన బస్సులు కొనుగోలుకు రుణాలు ఇచ్చేందుకు బ్యాంకులు అంతగా ముందుకు రాని పరిస్థితుల్లో ఎలా ముందుకు వెళ్లాలి? ఉద్యోగులకు చెల్లించాల్సిన వివిధ బకాయిలు తదితర అంశాలను సమావేశంలో చర్చించనున్నట్లు సమాచారం.