చిక్కటి అడవిలో.. చక్కని కొలను!

చుట్టూ చిక్కగా అలుముకున్న చెట్లు, ఎటుచూసినా పచ్చదనంతో నిండిన కొండలు.. వాటి నడుమ ఎత్తయిన ఓ కొండపై ఈతకొలను. ఇలాంటి అద్భుత వాతావరణాన్ని ఆస్వాదించాలని, కొలనులో హాయిగా సేదతీరాలని ఎవరికి మాత్రం ఉండదు? అలా తలపోసేవారికి ఇక్కడ లభించే వసతి ఎంతో సౌకర్యవంతం. నాలుగువేల ఎకరాల్లో విస్తరించిన వికారాబాద్‌ అటవీ ప్రాంతంలో, పర్యాటక కేంద్రానికి 400 ఎకరాలు కేటాయించారు. సముద్ర మట్టానికి 756 అడుగుల ఎత్తున, ఓ కొండపై ఈత కోసం ప్రత్యేకంగా కొలను ఏర్పాటుచేశారు. వారాంతాల్లో పలు రాష్ట్రాల పర్యాటకులతో ఇక్కడ సందడి వాతావరణం నెలకొంటుంది. 

- ఈనాడు, వికారాబాద్‌