ఖండాంతరాల్లో ఘనంగా బతుకమ్మ ఉత్సవాలు

విదేశాల్లో బతుకమ్మ ఉత్సవాలను సోమవారం ఘనంగా నిర్వహించారు. న్యూజిలాండ్‌లోని ఆక్‌లాండ్‌లో తెలంగాణ సంఘం ఆధ్వర్యంలో బతుకమ్మ వేడుకలను వైభవంగా జరిపారు. మహిళలు

Published : 27 Sep 2022 05:53 IST

ఈనాడు, హైదరాబాద్‌: విదేశాల్లో బతుకమ్మ ఉత్సవాలను సోమవారం ఘనంగా నిర్వహించారు. న్యూజిలాండ్‌లోని ఆక్‌లాండ్‌లో తెలంగాణ సంఘం ఆధ్వర్యంలో బతుకమ్మ వేడుకలను వైభవంగా జరిపారు. మహిళలు పెద్దసంఖ్యలో పాల్గొన్నారు. సంప్రదాయ బతుకమ్మ పాటలతో ప్రాంగణం హోరెత్తింది. ఈ సందర్భంగా అందమైన బతుకమ్మ పోటీలను నిర్వహించి బహుమతులు అందజేశారు. అనంతరం తెలంగాణ వంటకాలతో విందు ఇచ్చారు. న్యూజిలాండ్‌ తెలంగాణ సంఘం అధ్యక్ష, ప్రధాన కార్యదర్శులు టి.నరేందర్‌రెడ్డి, ఎం.ప్రసన్నకుమార్‌, కార్యదర్శి కోడూరి చందు, సంయుక్త కార్యదర్శి లోక రాజ్‌కుమార్‌రెడ్డి, ప్రతినిధులు శైలేందర్‌రెడ్డి, విజయలక్ష్మి, విజేత తదితరుల ఆధ్వర్యంలో వేడుకలు నిర్వహించారు.

జర్మనీలో...

జర్మనీ రాజధాని బెర్లిన్‌లోని గణేశ్‌ ఆలయంలో ఆ దేశ తెలంగాణ సంఘం ఆధ్వర్యంలో సోమవారం బతుకమ్మ ఉత్సవాలు కనులపండువగా సాగాయి. పెద్దసంఖ్యలో మహిళలు, యువతులు, చిన్నారులు పాల్గొన్నారు. గౌరమ్మను పూజించారు. ఆలయ ప్రాంగణంలో బతుకమ్మ ఆడారు. అనంతరం ఆలయ సరస్సులో నిమజ్జనం చేశారు. తెలంగాణ సంఘం వ్యవస్థాపక అధ్యక్షుడు రఘు చలిగంటి, సమన్వయకర్తలు బోయినపల్లి రామ్‌, అలేఖ్య, రాజేశ్‌శేఖర్‌, బాలరాజు, శరత్‌ శివరాం, శ్రీనాథ్‌, కవిత, ప్రకాశ్‌, కౌశిక, రేష్మి తదితరుల ఆధ్వర్యంలో వేడుకలు నిర్వహించారు.

Read latest Ts top news News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts