ప్రసాదం కోసం పాట్లు!

దసరా ఉత్సవాల్లో విజయవాడలోని శ్రీ దుర్గామల్లేశ్వరస్వామి వార్ల దర్శనం కోసం వచ్చిన భక్తులకు లడ్డూ ప్రసాదాలను అందించడంలో దేవస్థానం అధికారులు విఫలమయ్యారు. ప్రసాదం పంపిణీకి ఒకే చోట కౌంటర్లు ఏర్పాటు చేయడంతో గందరగోళ పరిస్థితి నెలకొంది. నవరాత్రుల చివరి మూడు రోజులు భవానీలు అధిక సంఖ్యలో తరలివచ్చారు. రద్దీని గమనించి ఒక్కో భక్తుడికి 5 లడ్డూలే ఇవ్వనున్నట్లు అధికారులు ప్రకటించారు. అయినప్పటికీ అర్జున వీధిలో వర్షాన్ని సైతం లెక్క చేయక భక్తులు భారీగా క్యూ కట్టారు. భక్తులు తీవ్ర అసౌకర్యానికి గురయ్యారు. కొంతమంది ప్రసాదం లేకుండానే వెనుతిరిగారు.

- ఈనాడు, అమరావతి