సంస్కరణలు, అభివృద్ధితోనే రాష్ట్రానికి అవార్డులు

మంత్రి కేటీఆర్‌

ఈనాడు, హైదరాబాద్‌: తెలంగాణలో ప్రభుత్వం అమలు చేస్తున్న  కార్యక్రమాలను దేశమంతా ఆదర్శంగా తీసుకుంటోందని రాష్ట్ర మంత్రి కేటీఆర్‌ పేర్కొన్నారు. రాష్ట్ర అభివృద్ధికి అమలు చేస్తున్న పరిపాలనా సంస్కరణలు, అభివృద్ధి కార్యక్రమాల ఫలితంగానే జాతీయస్థాయిలో తెలంగాణకు అవార్డుల రూపంలో గుర్తింపు లభిస్తోందన్నారు. తెలంగాణ రాష్ట్ర పురపాలికలు ఈ ఏడాది దేశంలోనే అత్యధికంగా 26 అవార్డులు దక్కించుకున్నాయని మంత్రి ప్రశంసించారు. గతంలో 16 స్వచ్ఛసర్వేక్షణ్‌ అవార్డులను రాష్ట్రంలో పురపాలికలు సొంతం చేసుకోగా ఐఎస్‌ఎల్‌ విభాగంలో 3అవార్డులు, తాజాగా ఫాస్టెస్ట్‌ మూవింగ్‌ సిటీ కేటగిరీలో 7 అవార్డులు దక్కించుకోవడం పట్ల మంత్రి హర్షం వ్యక్తం చేశారు.