శిథిల భవనం.. భయం భయం..!

ఇది హనుమకొండ జిల్లా ఆత్మకూరు మండలంలోని పోచమ్మ సెంటర్‌ ప్రాథమిక పాఠశాల భవనం. విద్యార్థుల సంఖ్య తక్కువగా ఉండడంతో ఆరేళ్ల కిందట దీన్ని మూసివేశారు. ఫలితంగా ఈ భవనం శిథిలావస్థకు చేరింది. ప్రస్తుతం ఇక్కడే రెండు గదుల్లో నాలుగు అంగన్‌వాడీ కేంద్రాలను నిర్వహిస్తున్నారు. భవనం ముందటి భాగం ఎప్పుడు కూలుతుందో తెలియని పరిస్థితిలో ఉంది. అయినప్పటికీ దీన్ని ఉపయోగించుకుంటున్నారు. అక్కడే పిల్లలు ఆడుకుంటున్నారు. ఎప్పుడే ప్రమాదం జరుగుతుందోనని పిల్లల తల్లిదండ్రులు, ఉపాధ్యాయులు ఆందోళన చెందుతున్నారు.

న్యూస్‌టుడే, ఆత్మకూరు(హనుమకొండ జిల్లా)