పంచాయతీ కార్యదర్శులను శాశ్వత ప్రాతిపదికన నియమించొద్దు

పంచాయతీ రాజ్‌ శాఖ ఆదేశాలు

ఈనాడు, హైదరాబాద్‌: ప్రభుత్వం ప్రత్యక్ష నియామకాల ద్వారా తెలంగాణలోని పంచాయతీ కార్యదర్శుల ఖాళీ పోస్టులను భర్తీ చేస్తుందని, ఇకపై జిల్లా స్థాయిల్లో ఎక్కడా శాశ్వత ప్రాతిపదికన నియామకాలు చేపట్టవద్దని రాష్ట్ర పంచాయతీ రాజ్‌ శాఖ జిల్లాల పంచాయతీ అధికారులను ఆదేశించింది. కొందరు జిల్లా పంచాయతీ అధికారులు ఖాళీలను శాశ్వత ప్రాతిపదికన భర్తీ చేస్తున్నారని, ఇలాంటి వారిపై శాఖాపరమైన చర్యలు తీసుకుంటామని రాష్ట్ర పంచాయతీ రాజ్‌ శాఖ డైరెక్టరు హనుమంతరావు హెచ్చరించారు. అత్యవసరమైతే ముందస్తు అనుమతితో పొరుగు సేవల ప్రాతిపదికన పంచాయతీ కార్యదర్శులను విధుల్లోకి తీసుకోవాలని బుధవారం ఒక ప్రకటనలో సూచించారు.