కేటీఆర్‌ ట్విటర్‌ ఖాతాలో మార్పులు

ఈనాడు, హైదరాబాద్‌: తెరాస భారత్‌ రాష్ట్రసమితిగా మారిన నేపథ్యంలో రాష్ట్ర పరిశ్రమలు, ఐటీ, పురపాలక శాఖల మంత్రి కేటీఆర్‌ తన వ్యక్తిగత ట్విటర్‌ ఖాతా హ్యాండిల్‌లో మార్పులు చేశారు. గతంలో ‘కేటీఆర్‌టీఆర్‌ఎస్‌’ పేరిట ఉండగా... దానిని ఇప్పుడు ‘కేటీఆర్‌బీఆర్‌ఎస్‌’గా మార్చారు. టీఆర్‌ఎస్‌ వర్కింగ్‌ ప్రెసిడెంట్‌గా ఉన్న హోదాను ఆయన తన ప్రొఫైల్‌ నుంచి తొలగించారు. పరిశ్రమలు, ఐటీ, పురపాలక శాఖల మంత్రి, సిరిసిల్ల శాసనసభ్యుడు అనే హోదాలను ఆయన తన ప్రొఫైల్‌లో ఉంచారు. హ్యాండిల్‌ మారినందున ఆయన ట్విటర్‌లో ఉండే వెరిఫై (బ్లూ)టిక్‌ను తొలగించారు. పరిశీలన అనంతరం మళ్లీ ఆయనకు టిక్‌ను ఇవ్వనున్నారు.