నేడు ద.మ.రైల్వే కేటాయింపుల వెల్లడి

ఈనాడు, హైదరాబాద్‌: రైల్వే జోన్ల వారీగా నిధుల కేటాయింపులకు సంబంధించిన పింక్‌బుక్‌ను పార్లమెంటు ఉభయ సభల్లో నేడు  ప్రవేశపెట్టనున్నారు. ఆ తర్వాత దాన్ని విడుదల చేస్తారని, జోన్‌కు  సంబంధించిన వివరాలను దక్షిణ మధ్య రైల్వే జీఎం అరుణ్‌కుమార్‌ జైన్‌ శుక్రవారం వెల్లడిస్తారని రైల్వే వర్గాలు వెల్లడించాయి. జోన్‌కు గతేడు రూ.9,125 కోట్ల నిధుల్ని కేంద్రం కేటాయించింది. ఈ ఏడాది దానికన్నా 30 శాతం అధికంగా కేటాయించే అవకాశాలున్నట్లు దక్షిణ మధ్య రైల్వే వర్గాలు అంచనా వేస్తున్నాయి. ద.మ.రైల్వేలో తెలంగాణ, ఆంధ్రప్రదేశ్‌ రాష్ట్రాలతోపాటు మహారాష్ట్రలో కొంతభాగం ఉంది. తెలంగాణకు గత బడ్జెట్‌లో రూ.3,048 కోట్లు మాత్రమే కేటాయించారు.