ఫార్ములా-ఇ రేసుపై కేటీఆర్‌కు ఆనంద్‌మహీంద్రా ధన్యవాదాలు

ఈనాడు,హైదరాబాద్‌: ఫార్ములా-ఇ ప్రపంచ ఛాంపియన్‌షిప్‌ను నిర్వహించే మొదటి భారతీయ నగరంగా హైదరాబాద్‌ ఆవిర్భవించిందని మహీంద్రా గ్రూపు సంస్థల ఛైర్మన్‌ ఆనంద్‌ మహీంద్రా శుక్రవారం ట్విటర్‌లో ఆనందం వ్యక్తంచేశారు. ఈ సందర్భంగా మంత్రి కేటీఆర్‌కు కృతజ్ఞతలు తెలిపారు.

జర్మన్‌ పార్లమెంటరీ బృందం భేటీ

జర్మనీ పార్లమెంటరీ కమిటీ సభ్యులు శుక్రవారం శాసనసభలో మంత్రి కేటీఆర్‌తో భేటీ అయ్యారు. భారత్‌-జర్మనీ సంబంధాలు, తెలంగాణలో పెట్టుబడులు తదితర అంశాలపై చర్చించారు. అనంతరం వారంతా శాసనసభాపతి పోచారం, మండలి ఛైర్మన్‌ గుత్తా, మంత్రులు, ఎమ్మెల్యేలను మర్యాదపూర్వకంగా కలిశారు.