అంతర్జాతీయ క్రికెట్‌ క్రీడాకారిణి త్రిషకు అభినందనలు

ఈనాడు, హైదరాబాద్‌: అండర్‌-19 మహిళా క్రికెట్‌ ఛాంపియన్‌షిప్‌ను సాధించిన భారత జట్టు సభ్యురాలైన తెలంగాణ క్రీడాకారిణి త్రిషను మంత్రి కేటీఆర్‌ అభినందించారు. ఆమె తన కుటుంబసభ్యులతో కలిసి బుధవారం కేటీఆర్‌ను ప్రగతిభవన్‌లో కలిశారు. ఈ సందర్భంగా మంత్రి ఆమె ప్రతిభను కొనియాడారు. తెలంగాణకు మరింత ఖ్యాతి తేవాలని ఆకాంక్షించారు.

6 నెలల్లో మరో 30 డబుల్‌ డెక్కర్‌ బస్సులు

వచ్చే ఆరు నెలల్లో హైదరాబాద్‌లో మరో 30 డబుల్‌డెక్కర్‌ బస్సులను ప్రజలకు అందుబాటులోకి తెస్తామని మంత్రి కేటీఆర్‌ ట్విటర్‌లో తెలిపారు. దీనిపై టీఎస్‌ఆర్టీసీతో కలిసి పనిచేయాలని ఆయన పురపాలక ప్రత్యేక ప్రధాన కార్యదర్శి అర్వింద్‌కుమార్‌కు సూచించారు.