Vizag: ‘గో బ్యాక్‌ సీఎం సార్‌’.. ‘జనజాగరణ సమితి’ పేరుతో విశాఖలో పోస్టర్లు

ఈనాడు-విశాఖపట్నం: ‘గో బ్యాక్‌ సీఎం సార్‌’, ‘రాజధాని అమరావతిని నిర్మించండి’ అంటూ విశాఖలో గురువారం ఉదయం పోస్టర్లు వెలిశాయి. ఆంధ్ర విశ్వవిద్యాలయంతోపాటు పలు ప్రధాన కూడళ్లలో ‘జన జాగరణ సమితి’ పేరుతో ఈ ఫ్లెక్సీలను తెల్లవారుజామున ఏర్పాటుచేశారు. జగదాంబ, మద్దిలపాలెం, సిరిపురం, ఆశిల్‌మెట్ట కూడళ్లలో పోస్టర్లున్న విషయం తెలుసుకున్న కొందరు వైకాపా నాయకులు వాటిని తొలగించారు. విశాఖనుంచి త్వరలో పరిపాలన కొనసాగిస్తామన్న ప్రభుత్వ నిర్ణయానికి వ్యతిరేకంగా ఏర్పాటుచేసిన ఈ పోస్టర్లు నగరంలో కలకలం సృష్టించాయి. విశ్వవిద్యాలయ క్యాంపస్‌ ప్రశాంతతకు భంగం కలిగించేందుకు అవకాశమున్న ఈ పోస్టర్ల ఏర్పాటు వెనుక ఉన్నవారిని అరెస్టు చేయాలంటూ మూడో పట్టణ పోలీసుస్టేషన్‌లో ఏయూ అధికారులు ఫిర్యాదు చేశారు.