ఏప్రిల్‌ 3 నుంచి పది పరీక్షలు

ఈనాడు, హైదరాబాద్‌: వచ్చే నెల 3 నుంచి 13వ తేదీ వరకు రాష్ట్రంలో పదో తరగతి పరీక్షలు నిర్వహించనున్నట్లు బోర్డ్‌ ఆఫ్‌ సెకండరీ ఎడ్యుకేషన్‌ శనివారం ప్రకటించింది. రాష్ట్ర వ్యాప్తంగా 2,652 కేంద్రాలలో 4,94,620 మంది విద్యార్థులు పరీక్షలకు హాజరు కానున్నారు. వారిలో 4,85,826 మంది రెగ్యులర్‌ విద్యార్థులు. పరీక్షలు ఉదయం 9.30 నుంచి మధ్యాహ్నం 12.30 గంటల వరకు జరగనున్నాయి. ఈ ఏడాది 11 పేపర్లకు బదులు ఆరు పేపర్లతోనే పరీక్షలు నిర్వహిస్తున్నారు. ఇప్పటికే హాల్‌టికెట్లను ఆయా పాఠశాలలకు పంపించామని, అలాగే www.bse.telangana.gov.in లోనూ వాటిని అందుబాటులో ఉంచినట్లు బోర్డు పేర్కొంది.