ఓటర్ల నమోదు వెబ్‌సైట్‌ మార్పు

తెలంగాణ రాష్ట్ర ముఖ్య ఎన్నికల అధికారి వికాస్‌రాజ్‌

ఈనాడు, హైదరాబాద్‌: ఓటర్లకు మరింత మెరుగైన సేవలు అందించాలన్న ఉద్దేశంతో ప్రస్తుతం అందుబాటులో ఉన్న వెబ్‌సైట్‌ను మార్చినట్లు తెలంగాణ రాష్ట్ర ముఖ్య ఎన్నికల అధికారి వికాస్‌రాజ్‌ సోమవారం ఒక ప్రకటనలో తెలిపారు. ఓటరు నమోదు, మార్పులు, చేర్పులకు ఇక నుంచి  https://www.voters.eci. gov.in   వెబ్‌సైట్‌ను ఉపయోగించాలని పౌరులకు సూచించారు. ‘‘ఓటరు నమోదుతోపాటు ఓటరు కార్డు కోసం దరఖాస్తు సమర్పణ, అసెంబ్లీ, లోక్‌సభ నియోజకవర్గాల సమాచారం, పోలింగు కేంద్రాల వివరాలు, ఓటరు నమోదు, పోలింగు కేంద్రం స్థాయి అధికారుల సమాచారంతోపాటు మరిన్ని సేవలు ఈ కొత్త వెబ్‌సైట్‌లో పొందుపరిచారు. ఇప్పటివరకు జాతీయ ఓటరు పోర్టల్‌ సర్వీస్‌(ఎన్‌వీఎస్‌పీ) ద్వారా సేవలు అందాయి. ఇక నుంచి ఆ పోర్టల్‌ పని చేయదు’’ అని వికాస్‌రాజ్‌ ఆ ప్రకటనలో వివరించారు.